07september
Ekki eitt einasta blogg í ágúst. Ég hef svikið ykkur öll. Eða nei, bíddu, alveg rétt, mér er alveg sama um hvað ykkur finnst um bloggvenjur mínar. Eða reyndar geri ég það af því að ég vil fá fleiri skoðanir og líða eins og ég eigi vini.
En allavega, ég er að blogga núna.
Ætla ég að byrja á einu sem átti sér stað á bókasafninu í dag(alltaf villt sápudrama þar í gangi): Eins og sum ykkur hafa orðið vör við þá höfum við tekið í gagnið sjálfsafgreiðsluvélar sem gerir viðskiptavinum okkar kleift að afgreiða sig að mestu leyti sjálfir(geta tekið og skilað bókum og tímaritum, athugað stöðu og endurnýjað) og rembumst við starfsfólkið við að kenna fólki á þessar vélar og gengur það misvel(enda er Amtið uppáhalds hang-out pleisið fyrir sérvitringinga bæjarins). Í dag kom kona og starfsfélagi minn hún Ragna leiðbeinir henni að sjálfsafgreiðsluvélinni. Næsta sem ég heyrði var: "Þetta er allt of flókið fyrir öryrkja, ég kaupi bækurnar bara frekar"
...bíddu, bíddu, eru öryrkjar ekki bara heimskir heldur svo svínríkir að þeir eyða frekar þúsundum í bækur sem þeir geta fengið ókeypis með því að eyða örlitlum tíma í að læra á tækið? Ég hélt að umræðan í dag snérist um að öryrkjabætur væru svo lágar að fólk ætti varla fyrir matinn sinn? Ég bjóst nú við því að öryrkjar legðu sig sérstaklega fram við að eyða ekki bótunum í ónauðsynjar, enda eru þetta skattpeningar sem aðrir borga. Peningarnir spretta ekki upp úr engu.
Epílógus: Það er ekki nauðsyn að læra á vélarnar. Það er alveg leyfilegt að kjósa frekar handvirku aðferðina og hefði nú hún Ragna boðið konunni að lána henni gögnin þannig nema hvað að hún var búin að strunsa út úr húsinu áður en Ragna náði að jafna sig.
Hvað annað hefur gerst? Ójá, nú man ég af hverju ég hef svo lítið bloggað. Það er sumar og það gerist ekkert. Ja ok, Axel fór, meira um það hér. Annars... já... þúst... ég bjargaði Neverwinter frá ásókn Konungs Skuggana sem galdrariddari með sverðbrot í brjóstkassanum og ég hef byggt upp svo öflugt dvergavirki í Dwarf Fortress að samfélagið er að brotna undan því álagi að ganga frá öllum dauðu svartálfunum og tröllunum fyrir utan hliðin.
Og þið hélduð að ég gæti ekki orðið lúðalegri...
Ú, skólinn byrjar eftir... rétt rúma viku. Þá verð ég í þriðja bekk. Næsta sumar verð ég að undirbúa mig fyrir útskriftarferðina. Það er alveg afskaplega afbrigðileg tilhugsun. Þriðji bekkur. Einu stigi fyrir neðan elítuna...
Ég held samt að þetta blogg sé að verða allt of stefnulaust. Þess vegna ætla ég að bæta við uppáhaldstilvitnunni minni í augnablikinu:
"Þetta hef ég lært af heimspekinni; að ég geri af eigin frumkvæði það sem aðrir gera aðeins vegna ótta við lögin" - Aristóteles (ég þýddi af þessari síðu)
Ég er að bíða svo fast eftir því að hitta einhvern strangtrúaðan sem reynir að skjóta niður guðleysi mitt með "Án guðs má gera hvað sem er![Í þeim skilningi að án Guðs má drepa og nauðga eins og manni sýnist án þess að eiga hættu á refsingu eftir dauðann]". Þá er það annað hvort Ari eða þá skjóta til baka: "Með Guði má gera hvað sem er, í nafni Hans[og vísa þar með í þann langa lista af voðaverkum sem hafa verið framin í nafni hans].
En nei, ég er ekki á móti trúuðu fólki. Eða bíddu, jú ég er það. Ég er að nýta mér málfrelsi mitt til þess að mótmæla málfrelsi annarra, svona eins og múslimar.
Svona í lokin, þá rakst ég á skemmtilegt dæmi um það sem ég held að sé kallað á góðri íslensku selective reporting á íslenskri fréttasíðu, nefnilega Vísi. Berið saman eftirfarandi fréttir um það sem virðist vera sama hlutinn. Mbl.is og visir.is.
Án þess að fara út í umræður um ágæti þessarar rannsóknar, athugið hvernig Vísir fer að því að segja ekkert um peningagræðgi kvennanna í úrtakinu og einblínir á grunnhyggni karlmannana og mjúklega rennt inn að karlar séu hræsnarar og að konurnar hafa sitt "alveg á hreinu". Myndin sem er valin til að lýsa myndinni er alveg stórkostlega óaðlaðandi mynd í lélegum gæðum af risastórum sílíkontúttum á meðan mbl er með mun smekklegri mynd af einni af mest aðlaðandi konum í heiminum. Einhvern veginn finnst mér eins og samanburður á þessum fréttum segi margt um kyn og pólítískrar afstöðu þess sem skrifaði greinina fyrir visir.is.
Boðskapurinn? Sannleikurinn blekkir betur heldur en lygin og fréttasíður eru ekki áreiðanlegar heimildir.
Þetta blogg er farið að verða svolítið langt, en það er bara mér líkt. Ég enda blogginu á retórískri spurningu, sem ykkur er ekki skylt að svara þó svo að þið kommentið(á góðri íslensku):
Er virkilega meira grunnhyggið að leitast eftir fegurð hjá maka heldur en gáfum, hæfileikum eða öðrum persónueiginleikum? Er ekki líkaminn og sá tími sem fer í að sjá um hann jafn mikill hluti af okkur og gáfur okkar og hæfileikar okkar og sá tími sem fer í að halda þeim uppi?
31maí
| In a Past Life... |
 You Were: A Mute Assassin.
Where You Lived: Australia.
How You Died: In Childbirth. |
